പടക്ക ലൈസൻസ് അഞ്ചുവർഷത്തേക്ക് പുതുക്കി നൽകണം ജില്ലാ ജനറൽ ബോഡി

കൊച്ചി: പടക്ക വ്യാപാര മേഖലയിലെ ലൈസൻസ് പുതുക്കി നൽകുന്നതിന് നൽകുന്നതിലെ അപാകതകൾ പരിഹരിക്കണമെന്നും അഞ്ചുവർഷത്തേക്ക് പുതുക്കി നൽകണമെന്നു
ഫയർ വർക്ക്സ് മർച്ചന്റ് അസോസിയേഷൻ ജില്ലാ ജനറൽ ബോഡി യോഗം ആവശ്യപ്പെട്ടു
ജില്ലാ വ്യാപാരഭവൻ ഓഡിറ്റോറിയത്തിൽ നടന്ന സമ്മേളനം വ്യാപാരി വ്യവസായി ഏകോപന സമിതി എറണാകുളം ജില്ലാ ജനറൽ സെക്രട്ടറി എ ജെ റിയാസ് ഉദ്ഘാടനം ചെയ്തു. അസോസിയേഷൻ സംസ്ഥാന കോഡിനേറ്റർ കെ പി സുരേഷ് ബാബു അധ്യക്ഷത വഹിച്ചു കൊല്ലം ജില്ലാ പ്രസിഡണ്ട് സിയാദ്, കോഴിക്കോട് ജില്ലാ ട്രഷറർ വിവില്‍, ബാബു ആന്റണി, സിജു ജോൺ, വിവേക് എന്നിവർ പ്രസംഗിച്ചു

ജില്ലാ ഭാരവാഹികളായി സിജു ജോൺ പ്രസിഡണ്ട്
ബാബു ആന്റണി ജനറൽ സെക്രട്ടറി, വിവേക് എസ് ട്രഷറർ, വൈസ് പ്രസിഡന്റുമാരായി ടിബോ എം ഷാജു, സ്റ്റീഫൻ ജോസഫ്, സെക്രട്ടറിമാരായി പി വി ജോസ്, ഷാജി എം കെ എന്നിവരെ തിരഞ്ഞെടുത്തു.