ബലിപെരുന്നാളിന് കുവൈറ്റില്‍ ഒമ്പതു ദിവസത്തെ നീണ്ട അവധിക്ക് സാധ്യത

കുവൈറ്റ് സിറ്റി: ബലിപെരുന്നാളിന് കുവൈറ്റില്‍ ഒമ്പതു ദിവസത്തെ നീണ്ട അവധിക്ക് സാധ്യത. ജൂണ്‍ 16നാണ് ഈ വര്‍ഷത്തെ അറഫാ ദിനമെങ്കില്‍ ഒമ്പത് ദിവസത്തെ അവധി ലഭിക്കുക. അങ്ങനെയെങ്കില്‍ ജൂണ്‍17,18,19 തീയതികളിലായിരിക്കും ബലിയപെരുന്നാള്‍ അവധി. ജൂണ്‍ 20 വ്യാഴാഴ്ച വിശ്രമ ദിവസമായി പ്രഖ്യാപിക്കും. പിന്നീട് ജൂണ്‍ 23ന് ആയിരിക്കും ജോലി പുനരാരംഭിക്കുക. ഈ രീതിയിലാണെങ്കിലാണ് ഒമ്പത് ദിവസത്തെ നീണ്ട അവധിയാണ് ലഭിക്കുക.

അറഫാ ദിനം ജൂണ്‍ 15നാണെങ്കില്‍ പെരുന്നാള്‍ അവധി നാല് ദിവസമായിരിക്കും. ജൂണ്‍ 16,17,18 എന്നീ ദിവസങ്ങളിലായിരിക്കും പെരുന്നാള്‍ അവധി ലഭിക്കുക. ജൂണ്‍ 19-ന് ബുധനാഴ്ച്ച ജോലികള്‍ പുനരാരംഭിക്കുകയും ചെയ്യും. അവധി നാല് ദിവസമാണെങ്കില്‍, അത് നീട്ടാന്‍ ആഗ്രഹിക്കുന്ന ജീവനക്കാര്‍ക്ക് ജൂണ്‍ 19, 20 തീയതികളില്‍ ആനുകാലിക അവധിക്ക് അഭ്യര്‍ത്ഥന സമര്‍പ്പിക്കാവുന്നതാണ്. സിവില്‍ സര്‍വീസ് കമ്മീഷന്‍ മുന്‍കൂട്ടി അവധിയുമായി ബന്ധപ്പെട്ട സര്‍ക്കുലര്‍ പുറപ്പെടുവിപ്പിക്കും.