കമ്മ്യൂണിസ്റ്റുകാരുടെ ചിരി ആത്മാർത്ഥതയുടേത്: പി സരിൻ
പാലക്കാട്: കമ്മ്യൂണിസ്റ്റുകാരുടെ ചിരി ആത്മാര്‍ത്ഥതയുടേതാണെന്ന് പാലക്കാട് എല്‍ഡിഎഫ് സ്വതന്ത്രന്‍ പി സരിന്‍.കമ്മ്യൂണിസ്റ്റ്കാരന്റെ ചിരി ആത്മാര്‍ത്ഥതയുടെ ചിരിയാണ്. കാട്ടിക്കൂട്ടലിന്റെ ചിരിയായി കൊണ്ടുനടക്കുന്ന കോണ്‍ഗ്രസിന്റെ മുന്നില്‍ എല്ലായ്‌പ്പോഴും സത്യസന്ധമായി പ്രവര്‍ത്തിക്കാന്‍, അവരുടെ ഒപ്പം നിന്ന് പ്രശ്‌നങ്ങള്‍ പരിഹരിക്കാന്‍ സാധിക്കുന്ന ചിരിയ്ക്ക് പ്രത്യേക അംഗീകാരം ഉണ്ട് എന്നാണ് സ്വന്തം അനുഭവത്തില്‍ നിന്ന് വ്യക്തമാണ്’, സരിന്‍ പറഞ്ഞു.
തന്റെ മുഖത്തെ ചിരി ജനങ്ങള്‍ തനിക്ക് നല്‍കുന്നതാണെന്നും അത് അവര്‍ക്ക് തിരിച്ചുകൊടുക്കുക മാത്രമാണ് ചെയ്യുന്നതെന്നും സരിന്‍ പറഞ്ഞു. പാലക്കാട്ടെ ജനങ്ങള്‍ക്ക് ഇപ്പോഴുള്ളത് ആശ്വാസമാണെന്നും സരിന്‍ കൂട്ടിച്ചേര്‍ത്തു. ‘ജനങ്ങള്‍ എനിക്ക് നല്‍കുന്നതാണ് ഞാന്‍ അവര്‍ക്ക് തിരിച്ചുനല്‍കുന്നത്. എന്റെ മുഖത്തെ പുഞ്ചിരി ജനങ്ങള്‍ എനിക്ക് നല്‍കിയ പുഞ്ചിരിയെ ഞാന്‍ അവര്‍ക്ക് തിരിച്ചുനല്‍കുന്നതാണ്. ജനങ്ങളുടെ റിഫ്‌ലെക്ഷന്‍ ആകാന്‍ ആഗ്രഹിക്കുന്ന ഒരു പൊതുപ്രവര്‍ത്തകനാണ് ഞാന്‍.
അവരുടെ നിരാശയും പ്രതീക്ഷയും സന്തോഷവുമെല്ലാം എന്റെ മുഖത്തും കണ്ടേക്കാം. അവര്‍ക്കിപ്പോഴുള്ളത് ഒരു ആശ്വാസമാണ്, ജനങ്ങള്‍ക്കൊപ്പം നില്‍ക്കാന്‍ ഒരാളെ കിട്ടിയെന്ന സമാധാനത്തിലാണ് അവര്‍ എന്നും സരിന്‍ കൂട്ടിച്ചേര്‍ത്തു. പി സരിന്‍ ഇന്ന് രാവിലെ 11 മണിക്കാണ് നാമനിര്‍ദ്ദേശപത്രിക സമര്‍പ്പിക്കുന്നത്. കോണ്‍ഗ്രസ് സ്ഥാനാര്‍ത്ഥി രാഹുല്‍ മാങ്കൂട്ടത്തില്‍, യുഡിഎഫ് വിമതന്‍ എ കെ ഷാനിബ് എന്നിവരും ഇന്ന് നാമനിര്‍ദ്ദേശ പത്രിക സമര്‍പ്പിക്കും
