ഡൽഹിയിൽ ഡോക്ടറെ ആശുപത്രിയിൽ വെടിവെച്ചു കൊന്നു, അന്വേഷണം ആരംഭിച്ച് പൊലിസ്

ന്യൂഡൽഹി: ഡൽഹിയിൽ ആശുപത്രിയിൽ ഡോക്ടറെ വെടിവെച്ചുകൊന്നു. കാളിന്ദി കുഞ്ചിലെ ആശുപത്രിയിലാണ് ആക്രമണമുണ്ടായത്. പരിക്കേറ്റ് ചികിത്സയ്ക്ക് എത്തിയ രണ്ടുപേരാണ് വെടിയുതിർത്തത്. സിസിടിവി കേന്ദ്രീകരിച്ച് പൊലീസ് അന്വേഷണം ആരംഭിച്ചു.

ചികിത്സയ്ക്കെത്തിയവർ ഡോക്ടറുടെ റൂമിലേക്ക് പ്രവേശിച്ച് വെടിയുതിർക്കുകയായിരുന്നു. അന്വേഷണത്തിൽ പ്രതികളുടെ രേഖാചിത്രമടക്കം ലഭിച്ചെന്നാണ് പൊലീസ് വൃത്തങ്ങൾ സൂചിപ്പിക്കുന്നത്.