കൈക്കൂലി വാങ്ങുന്നതിനിടെ അസിസ്റ്റൻറ് ലേബർ കമ്മീഷണർ പിടിയിൽ

കൊച്ചി: കൈക്കൂലി വാങ്ങുന്ന ഉദ്യോഗസ്ഥരെ വിജിലൻസ് ഇപ്പോൾ കൈയ്യോടെ പോക്കാറുണ്ട്. ഇന്ന് പിടിയിലായിരിക്കുന്നത് അസിസ്റ്റൻറ് ലേബർ കമ്മീഷണറാണ്. ബി.പി.സി.എൽ കമ്പനിയിൽ ലേബർ തൊഴിലാളികളെ കയറ്റുന്നതുമായി ബന്ധപ്പെട്ട് 20000 രൂപ കൈക്കൂലി വാങ്ങുന്നതിനിടെയാണ് എറണാകുളം അസിസ്റ്റൻറ് ലേബർ കമ്മീഷണറായ ഉത്തർപ്രദേശ് സ്വദേശി അജിത് കുമാറിനെ വിജിലൻസ് കൈയ്യോടെ പൊക്കിയത്.

ഇന്ന് രാവിലെ കാക്കനാട് ഓലിമുകളിലെ കേന്ദ്ര ഡെപ്യൂട്ടി ചീഫ് ലേബർ കമ്മീഷൻ ഓഫീസിൽ വച്ചായിരുന്നു സംഭവം. സംഭവവുമായി ബന്ധപ്പെട്ട് അജിത് കുമാറിൻ്റെ കൊച്ചിയിലെ വീട്ടിലും വിജിലൻസിന്റെ പരിശോധന തുടരുകയാണ്.