‘ഗാര്‍ഹികപീഡന നിയമങ്ങള്‍ ഭര്‍ത്താവിനെ ഭീഷണിപ്പെടുത്താനോ പിഴിയാനോ ഉള്ളതല്ല’; സുപ്രീം കോടതി
ന്യൂഡല്‍ഹി: ഭര്‍ത്താവില്‍ നിന്നും ഭര്‍തൃകുടുംബത്തില്‍ നിന്നും ഉണ്ടാകുന്ന ഗാര്‍ഹിക പീഡനത്തില്‍ നിന്നും മര്‍ദ്ദനത്തില്‍ നിന്നും മറ്റും ഭാര്യമാര്‍ക്ക് സംരക്ഷണം നല്‍കുന്ന ഗാര്‍ഹികപീഡന നിയമങ്ങള്‍ ദുരുപയോഗം ചെയ്യാനുള്ളതല്ലെന്ന് സുപ്രീം കോടതി. ഭര്‍ത്താവിനെ ഭീഷണിപ്പെടുത്തിയും സമ്മര്‍ദ്ദം ചെലുത്തിയും ആനുകൂല്യങ്ങള്‍ നേടാനും മറ്റും ഈ നിയമം ദുരുപയോഗം ചെയ്യപ്പെടുന്നതായി കണ്ടെത്തിയെന്നും അത് അനുവദിക്കില്ലെന്നും സുപ്രീം കോടതി അഭിപ്രായപ്പെട്ടു.
ഭോപ്പാലില്‍ നിന്നുള്ള ദമ്പതിമാരുടെ വിവാഹമോചന കേസിലായിരുന്നു സുപ്രീംകോടതിയുടെ നിരീക്ഷണം. കേസ് നല്‍കുന്ന ഭാര്യയുടെ ആവശ്യങ്ങള്‍ നടന്നുകിട്ടാന്‍ ക്രൂരത, ബലാത്സംഗം, പ്രകൃതിവിരുദ്ധ പീഡനം തുടങ്ങി വകുപ്പുകള്‍ ഒരുമിച്ച് ചുമത്തി, ഭര്‍ത്താവിനെ സമ്മര്‍ദ്ദത്തിലാക്കുന്നതായാണ് സുപ്രീം കോടതി അഭിപ്രായപ്പെട്ടത്.
സ്ത്രീകളുടെ ഉന്നമനം ലക്ഷ്യമിട്ടാണ് ഇത്തരം നിയമങ്ങള്‍ പ്രഖ്യാപിക്കുന്നതെങ്കില്‍ ചില സ്ത്രീകള്‍ അവ ദുരുപയോഗം ചെയ്യുകയാണെന്നും ഭര്‍ത്താക്കന്മാര്‍ക്കെതിരെ നിരവധി വകുപ്പുകള്‍ നല്‍കുന്നത് ഒരു പ്രവണതയായി തുടരുന്നുവെന്നും കോടതി നിരീക്ഷിച്ചു. ഇതോടെ ജാമ്യം നല്‍കാന്‍ സാധിക്കാത്ത അവസ്ഥയാണുള്ളത്. ചെറിയ വഴക്കുകളാണ് പിന്നീട് വലിയരീതിയിലുളള, മോശമായ പോരാട്ടമായി മാറുന്നതെന്നും സുപ്രീം കോടതി ചൂണ്ടിക്കാട്ടി.
കേസ് നല്‍കുന്ന ഭാര്യയുടെ ആവശ്യങ്ങള്‍ നടന്നുകിട്ടാന്‍ ക്രൂരത, ബലാത്സംഗം, പ്രകൃതിവിരുദ്ധ പീഡനം തുടങ്ങി വകുപ്പുകള്‍ ഒരുമിച്ച് ചുമത്തി, ഭര്‍ത്താവിനെ സമ്മര്‍ദ്ദത്തിലാക്കുന്നതായാണ് സുപ്രീംകോടതി അഭിപ്രായപ്പെട്ടത്. സ്ത്രീകളുടെ ഉന്നമനം ലക്ഷ്യമിട്ടാണ് ഇത്തരം നിയമങ്ങള്‍ പ്രഖ്യാപിക്കുന്നതെങ്കില്‍ ചില സ്ത്രീകള്‍ അവ ദുരുപയോഗം ചെയ്യുകയാണ്. ഭര്‍ത്താക്കന്മാര്‍ക്കെതിരെ നിരവധി വകുപ്പുകള്‍ നല്‍കുന്നത് ഒരു പ്രവണതയായി തുടരുന്നുന്നു. ഇതോടെ ജാമ്യം നല്‍കാന്‍ സാധിക്കാത്ത അവസ്ഥയാണുള്ളത്. ചെറിയ വഴക്കുകളാണ് പിന്നീട് വലിയരീതിയിലുളള, മോശമായ പോരാട്ടമായി മാറുന്നതെന്നും സുപ്രീംകോടതി ചൂണ്ടിക്കാട്ടി.
ഭര്‍ത്താവിനെ ഭീഷണിപ്പെടുത്തിയും സമ്മര്‍ദ്ദം ചെലുത്തിയും ആനുകൂല്യങ്ങള്‍ നേടാനും മറ്റും ഈ നിയമം ദുരുപയോഗം ചെയ്യപ്പെടുന്നതായും സുപ്രീം കോടതി അഭിപ്രായപ്പെട്ടു.
