സേവന നിരക്കുകള്‍ ഉയര്‍ത്തി ഹരിതകര്‍മസേന

കൊച്ചി: അ​ജൈ​വ-​ജൈ​വ മാ​ലി​ന്യം ശേ​ഖ​രി​ക്കു​ന്ന ഹ​രി​ത​ക​ർ​മ​സേ​നാം​ഗ​ങ്ങ​ൾ ഇനി മുതൽ അജൈവ മാലിന്യത്തിന്റെ അളവ് കൂടുന്നതനുസരിച്ച് സ്ഥാപനങ്ങളിൽനിന്ന് കൂടുതൽ തുക ഈടാക്കും. നി​ല​വി​ലെ വ​രു​മാ​ന​മ​നു​സ​രി​ച്ച് ഹ​രി​ത​ക​ർ​മ​സേ​നാം​ഗ​ങ്ങ​ൾ​ക്ക് ഉ​പ​ജീ​വ​ന​ത്തി​നു​ത​കു​ന്ന വ​രു​മാ​നം ല​ഭ്യ​മാ​ക്കു​ന്നി​ല്ലെ​ന്ന സാ​ഹ​ച​ര്യ​ത്തി​ലാ​ണ് വില ഉയർത്താൻ തീരുമാനം.

ഗ്രാ​മ​പ​ഞ്ചാ​യ​ത്തു​ക​ളി​ൽ കു​റ​ഞ്ഞ​ത് പ്ര​തി​മാ​സം 50 രൂ​പ, ന​ഗ​ര​സ​ഭ​ക​ളി​ൽ പ്ര​തി​മാ​സം കു​റ​ഞ്ഞ​ത് 70 രൂ​പ എ​ന്ന നി​ര​ക്ക് തു​ട​രും. സ്ഥാ​പ​ന​ങ്ങ​ൾ​ക്ക് നി​ശ്ച​യി​ച്ചി​രി​ക്കു​ന്ന നി​ര​ക്ക് പ്ര​തി​മാ​സം 100 രൂ​പ​യാ​യി തു​ട​രു​മെ​ങ്കി​ലും ഉ​ൽ​പാ​ദി​പ്പി​ക്കു​ന്ന മാ​ലി​ന്യ​ത്തി​ന് ആ​നു​പാ​തി​ക​മാ​യും പ്ര​ദേ​ശ​ത്തി​ന്റെ ഭൂ​മി​ശാ​സ്ത്ര​പ​ര​മാ​യ പ്ര​ത്യേ​ക​ത​ക​ൾ​ക്ക​നു​സ​രി​ച്ചും നി​ര​ക്ക് വ്യ​ത്യാ​സ​പ്പെ​ടു​ത്താ​ൻ ഭ​ര​ണ​സ​മി​തി​ക്ക് തീ​രു​മാ​നി​ക്കാം.

ചാ​ക്കി​ന്റെ പ​ര​മാ​വ​ധി വ​ലു​പ്പം 65×80 സെ.​മീ. ആ​ക​ണം. ജൈ​വ​മാ​ലി​ന്യം ശേ​ഖ​രി​ക്കു​ന്ന​യി​ട​ങ്ങ​ളി​ൽ വീ​ടു​ക​ൾ, സ്ഥാ​പ​ന​ങ്ങ​ൾ എ​ന്നി​വി​ട​ങ്ങ​ളി​ൽ​നി​ന്ന് തൂ​ക്ക​ത്തി​ന് ആ​നു​പാ​തി​ക​മാ​യി തു​ക ഈ​ടാ​ക്കാം. ഓ​രോ കി​ലോ ജൈ​വ​മാ​ലി​ന്യം ശേ​ഖ​രി​ക്കാ​ൻ കു​റ​ഞ്ഞ തു​ക ഏ​ഴു രൂ​പ​യാ​യി നി​ശ്ച​യി​ക്കും. അതേസമയം വീടുകളിൽനിന്ന് ശേഖരിക്കുന്ന അജൈവ മാലിന്യത്തിന് നിലവിലെ നിരക്കായ പഞ്ചായത്തുകളിലെ പ്രതിമാസം 50 രൂപയും നഗരസഭകളിലെ 70 രൂപയും തുടരും.

ഹരിതകർമസേനയ്ക്ക് യൂസർ ഫീ ലഭിക്കുന്നുണ്ടെന്ന് ഉറപ്പുവരുത്തേണ്ടത് തദ്ദേശസ്ഥാപനങ്ങളാണ്. പ്രതിമാസ യൂസർ ഫീസിൽ കുടിശ്ശിക വരുത്തുന്നവരിൽനിന്ന് വസ്തുനികുതി കുടിശ്ശിക ഈടാക്കുന്നതിനു സമാനമായി ഈടാക്കാനാണ് നിർദേശം. ഓ​രോ മാ​സ​വും ഈ​ടാ​ക്കു​ന്ന തു​ക തൊ​ട്ട​ടു​ത്ത മാ​സ​ത്തെ അ​ഞ്ചാ​മ​ത്തെ പ്ര​വൃ​ത്തി​ദി​വ​സ​ത്തി​നു​ള്ളി​ൽ ഹ​രി​ത​ക​ർ​മ​സേ​ന ക​ൺ​സോ​ർ​ട്യം അ​ക്കൗ​ണ്ടി​ലേ​ക്ക് കൈ​മാ​റ​ണം.