അണ്ണാ സര്‍വകലാശാല ക്യാമ്പസില്‍ വിദ്യാര്‍ഥിനിയെ പീഡിപ്പിച്ചതായി പരാതി; എസ്എഫ്‌ഐ പ്രതിഷേധം; ഒരാള്‍ കസ്റ്റഡിയില്‍
ചെന്നൈ അണ്ണാ സര്‍വകലാശാല ക്യാമ്പസില്‍ വിദ്യാര്‍ഥിനിയെ പീഡിപ്പിച്ചതായി പരാതി. കന്യാകുമാരി സ്വദേശിനിയാണ് പരാതി നല്‍കിയത്. രാത്രിയില്‍ സുഹൃത്തുമായി സംസാരിച്ച് നില്‍ക്കുമ്പോള്‍ രണ്ടുപേര്‍ എത്തി സുഹൃത്തിനെ മര്‍ദിച്ചശേഷം പീഡിപ്പിക്കുകയായിരുന്നു. ഒരാളെ പൊലീസ് കസ്റ്റഡിയില്‍ എടുത്തു.
പീഡിപ്പിച്ചത് ദൃശ്യങ്ങള്‍ പകര്‍ത്തിയെന്ന് കന്യാകുമാരി സ്വദേശിയുടെ പരാതിയില്‍ പറയുന്നു. കോട്ടപ്പുറം പൊലീസ് കേസെടുത്ത് അന്വേഷണം ആരംഭിച്ചു. മൂന്ന് പ്രത്യേക സംഘങ്ങള്‍ ആയാണ് അന്വേഷണം. വിദ്യാത്ഥിനിയുടെ ആണ്‍സുഹൃത്ത് അടക്കം 20 പേരെ ചോദ്യം ചെയ്തു. പീഡനം നടന്ന സ്ഥലത്തെ സിസിടിവി പ്രവര്‍ത്തനരഹിതമാണ്. സംഭവത്തില്‍ ക്യാമ്പസിലെ സുരക്ഷ ഉന്നയിച്ച് സര്‍ക്കാരിനെതിരെ പ്രതിപക്ഷം രംഗത്തെത്തി.
അണ്ണാ സര്‍വകലാശാല ക്യാമ്പസില്‍ പ്രതിഷേധവുമായി എസ്എഫ്‌ഐ രം?ഗത്തെത്തി. സുരക്ഷ ഉറപ്പാക്കണമെന്ന് എസ് എഫ് ഐ ആവശ്യപ്പെട്ടു. ക്യാമ്പസില്‍ ഒരുതരത്തില്‍ ഉള്ള സുരക്ഷയും ഇല്ലെന്ന് വിമര്‍ശനം. പെണ്‍കുട്ടിയെ ബലാത്സംഗം ചെയ്തത് പുറത്തുനിന്നുള്ളവരാണ്. അന്വേഷണം വേഗത്തില്‍ ആക്കണമെന്നും എത്രയും വേഗം പ്രതികളെ പിടികൂടണം എന്നും എസ്എഫ്‌ഐ ആവശ്യപ്പെട്ടു.
